كنت أتمنى فى يوم
أنى أكون تمام
شاعر وبقلمه يرسم
فكرة الإسلام
إسلام جوانا عايش
بس عليه بنام
وبننسى كل حاجه
لما يجينا الشيطان
مش عارف بس أوصف
لحظة النسيان
أصل الإنسان دا منه
وبينسى نفسه كمان
وبجد أحلى شاعر
يعزف لنا أنغام
على شط النيل دا قاعد
بيقرأ فى القرأن
وبنته جمب منه
تتعلم الإيمان
وبتقوله يا بابا ...
يعنى إيه حرمان
قال وبعلو صوته
النقص فى الإيمان
والشوق للرحمـن
أكيد محرومه منه
بس هناك هتلاقيه
هتشوفى النور كمان
طبعاً جوا الجنان
و فـ جنة المنان
نعزف هناك ألحان
يارب مش هنام
نسمع صوتك كمان !!!
هتقرأ القرآن !!!
طبعاً ما أنت الأمان
أنت إللى بحلم بيه
وأصحى وأحلم كمان
ونفسى فى يوم حسابى
أنسى إن أنا إنسان
لانه بكلمه منك
هخلد جوا الجنان
يا رب يا حَنان
مستنى أشوفك أنت
دا انت اللى مش بتنام
وبرحمتك أنا بحلم
يا الله يا رحمــن
يا الله يا رحمــن