مش مشكلة اخوان ولا مش اخوان
العدل لما بيحكم بيكون في كل مكان
فاكرين مبارك و العبيد أيام زمان
أه يا بلد بطبلة تتلمي وتتفرقي بتعبان
صباحي كنت بعشقه ..
لكن كل المطامع بتبان
أتجمعوا وأتوحدوا جوا الميدان
لأجل ما تموت البلد ..
زي ما قال الأمريكان
مش تمسلية بتتكتب ..
مش بيت صغير يتبني ..
دي كرامة بالثورة أتبنت
وياك يا مرسي بدمنا
لأجل ما نصون الولد
أيوا الولد
حق الشهيد إللى أتقتل
في الجنة حلمة أتولد
عايزين قصاص ..
مش كلمتين يتقالوا وقت ما يكون في شغب
نظف بلادنا من البقر ..
إللى بتتساق بالكلام مش بالإرادة والعمل
وياك يا مرسي بدمنا
أرسم طريقنا وحلمنا
حلم النجاح بيضمنا
بس إياك مالديابة ..
إللى بتعوي بإسمنا
مع إننا
ساكنين بروحنا ونفسنا
جوا الكفن أيام مبارك والبقر
فاكر يا مرسي إللى حصل
لما شبابنا في الميدان قام أنتصر
خلعوا مبارك والنتيجه أنه عايش بالأمل
أيوا الأمل
لما أنت سايب حاشيته ..
مسكين زمام أم البلد
مش تبقى أديته الأمل
الزند يصرخ محكمة
مع أنه ظالم للعمل
وتهاني بتقول أه أنا
إللى هكسر كل أحلام اللي ماتوا من زمن
النائب العام أتكسر ..
لما الغمامة أتكسرت على باب صغير للوطن
يا عم مرسي لمنا
أحسن ما نكتب إسمنا
ويا اللي ماتوا بدمنا
أحلام شباب ارض الوطن
كلمات / ضياء الدين سعيد
