اا .. أيوا هقول ... اا

أيوا هقول ..
إن أنا مش خايف مـــ المجهول
مش هستنى أشوف القاتل
وأرجع أقول أنا مش مسئول
مش هستنى اللجنه العليا
تحذف عشرة وتيجي تعدل في الدستور
هفضل أنادي في مالطه ...
وههتف .. ههتف ضد فلول
حتى إن قطعوا لساني ورجلي
هيقول قلمي أنا مش مشلول
أيوا كرهت الصوت الواطي
كرهت الضلمه نسيت النور
بيع في بلدنا ..
صدر غازنا للصهيون
اطفي لهيبنا ..
ونور غزة لو هتقول
بتقول حاكم ..
طب لو عادل واجه نفسك بالجمهور
اغسل إيدك ..
ما أنت الحاكم مش مسطول
طيب أقولك ..
سيبنا وعزل .. أمشي وغور

كلمات /
ضياء الدين سعيد تراب