أنا قرأت الدستور والحمد لله عجبني وأفضل من جميع الدساتير اللي فاتت عشان كدا كتبت الكلمات دي لأن لسه في ناس فاكره المصريين بيتشروا بالزيت والسكر !!! أو لازم يبقى إخواني عشان يقول نعم
مين قال بالزيت تشتري راجل
سبحان من صور يا تاجر
بكرا إللي يصلي يكون كافر !!
مش قصدو يصلي للمولى
بيصلي عشان يتقال عالم !!
يا فلول والعقل فيكم باطل
أعقل حبه وأقرأ وأفهم
دا الفهم ميعملش مشاكل
السبت هصوت وموافق
دستورنا الحق مش الباطل
مش أسمع من واحد فاشل
واقول يا إلهي أنا مواطن
طيب افهم ..
لأجل ما توصل
دا الرب في ملكوته وصى
أنك تقرأ .. تعقل .. تصبح فاهم
والله لبكرا هينصر مصر
على شط النيل وهنتقابل
ما الميه العذبه بترويلنا
المسلم وبتروي الكافر !!
لو دنية ربك تسوى كتير
والله ما سقى فيها كافر
وأهو بكرا جاي جاي أكيد
وبإذن الله ربك ناصر
دستورنا يا بلدي هو الحق
أصحى يا مصري ..
منتش قاصر
مش مستني شوية بهوات
وإعلام لفلول عقله مشاكل
أنت المصري الشخص الصح
إللى بصوته هد الباطل
أصحى يا مصري ..
منتش قاصر
أصحى يا مصري ..
منتش قاصر
كلمات / ضياء الدين سعيد
